ഫുട്‌ബോള്‍ ഗ്രൗണ്ട്‌ഉദ്‌ഘാടനം ഇന്ന്‌...

പൈക്ക പദ്ധതി പ്രകാരം പൂക്കോട്ടൂര്‍ ഗ്രാമപഞ്ചായത്ത്‌ നവീകരിച്ച അറവങ്കരയിലെ ഫുട്‌ബോള്‍ ഗ്രൗണ്ടിന്റെ ഉദ്‌ഘാടനം ഇന്നു വൈകിട്ടു അഞ്ചിനു പി. ഉബൈദുള്ള എം.എല്‍.എ നിര്‍വഹിക്കും. ഉദ്‌ഘാടനത്തോടനുബന്ധിച്ചു പഴയകളിക്കാരെ അണി നിരത്തി പൂക്കോട്ടൂരും മലപ്പുറവും തമ്മിലുള്ള പ്രദര്‍ശന ഫുട്‌ബോള്‍ മത്സരവും നടക്കും. ആറു ലക്ഷം രൂപയുടെ കേന്ദ്ര സര്‍ക്കാറിന്റെ സഹായത്തോടെ നവീകരിച്ച ഫുട്‌ബോള്‍ ഗ്രൗണ്ടിനോടനുബന്ധിച്ചു ഒരു വോളിബോള്‍ കോര്‍ട്ടും അത്‌ലറ്റിക്‌ കോര്‍ട്ടും ഉണ്ടാവും. ഗ്രാമപഞ്ചായത്തിന്റെ ധനസഹായത്തോടെ ഗ്രൗണ്ട്‌ സംരക്ഷണ മതില്‍ പുനര്‍നിര്‍മാണം നടത്തും. കെട്ടി നില്‍ക്കുന്ന വെള്ളം ഒഴിവാക്കുന്നതിനു ഗ്രൗണ്ടിനു ചുറ്റുഭാഗത്തും ഡ്രൈനേജ്‌ നിര്‍മിക്കും....