വീട്ടുകാര് അറിയാതെ തുഞ്ചന്പറമ്പിലെത്തിയ യുവതികള് കുട്ടിയെ ബസ്സ്റ്റാന്ഡില് മറന്നു. ചെമ്മാട് സി.കെ.പാറ സ്വദേശിനികളാണ് നാടകീയ രംഗങ്ങള് സൃഷ്ടിച്ചത്. സ്റ്റാന്ഡില്നിന്ന് തുഞ്ചന് പറമ്പിലേക്ക് ഓട്ടോയില് പുറപ്പെട്ടപ്പോള് ഒരു കുട്ടി കയറാത്തത് ശ്രദ്ധിച്ചില്ല. അര മണിക്കൂര് നീണ്ട അന്വേഷണത്തിനൊടുവില് പൊലീസ് സ്റ്റേഷനില് നിന്നാണ് ഇവര്ക്ക് കുട്ടിയെ തിരിച്ചു ലഭിച്ചത്.
ബസ്സ്റ്റാന്ഡ് പരിസരത്ത് കരഞ്ഞുകൊണ്ടിരുന്ന കുട്ടിയെ നാട്ടുകാര് പൊലീസ് എയ്ഡ് പോസ്റ്റിലെത്തിക്കുകയായിരുന്നു. ഇന്ഫര്മേഷന് കേന്ദ്രത്തില്നിന്ന് അനൗണ്സ് ചെയ്തിട്ടും കുട്ടിയെ തേടി ആരും എത്താതിരുന്നതിനാല് വിവരം പൊലീസിനെ അറിയിക്കുകയും പൊലീസ് കുട്ടിയെ കൊണ്ടുപോകുകയും ചെയ്തു.
തുഞ്ചന് പറമ്പില് ഓട്ടോ ഇറങ്ങിയപ്പോഴാണ് കുട്ടി ഇല്ലാത്ത വിവരം യുവതികള് അറിഞ്ഞത്. ഇവരോടൊപ്പം ഏഴ് കുട്ടികളാണ് ഉണ്ടായിരുന്നത്. ഉടന് സ്റ്റാന്ഡിലേക്ക് തന്നെ തിരിച്ചു. ഇവിടെ നിന്ന് നാട്ടുകാര് നല്കിയ വിവരമനുസരിച്ച് സ്റ്റേഷനിലെത്തി കുട്ടിയെ ഏറ്റു വാങ്ങുകയായിരുന്നു.
madhyamam
No comments:
Post a Comment