തിരൂരങ്ങാടി താലൂക്ക് മിനി സിവില്സ്റ്റേഷന് ഇന്നു രാവിലെ 10ന് റവന്യു മന്ത്രി തിരുവഞ്ചൂര് രാധാകൃഷ്ണന് ഉദ്ഘാടനം ചെയ്യും. ബ്ലോക്ക് പഞ്ചായത്ത് പരിസരത്ത് നടക്കുന്ന ചടങ്ങില് വിദ്യാഭ്യാസ മന്ത്രി പി.കെ. അബ്ദുറബ്ബ് അധ്യക്ഷനാവും. വിദേശകാര്യ സഹമന്ത്രി ഇ. അഹമ്മദ് വിശിഷ്ടാതിഥിയാവും. ഇ.ടി. മുഹമ്മദ് ബഷീര് എം.പി മുഖ്യപ്രഭാഷണം നടത്തും.
പൊതുസമ്മേളന ഉദ്ഘാടനം വ്യവസായ മന്ത്രി പി.കെ. കുഞ്ഞാലിക്കുട്ടിയും താക്കോല് ദാനം പൊതുമരാമത്ത് മന്ത്രി വി.കെ. ഇബ്രാഹിം കുഞ്ഞും നിര്വഹിക്കും
തിരൂരങ്ങാടി താലൂക്കിന്റെ പരിധിയില് വരുന്ന സിവില് സപ്ലൈസ്, എംപ്ലോയ്മെന്റ്, ലീഗല് മെട്രോളജി, മൈനര് ഇറിഗേഷന്, സെയില്സ് ടാക്സ്, അസി. ലേബര്, താലൂക്ക് ഓഫീസുകള് തുടങ്ങിയവ പുതിയ കെട്ടിടത്തിലേക്ക് മാറ്റും.
ജില്ലാ പഞ്ചായത്ത് പ്രസിഡന്റ് സുഹ്റ മമ്പാട്, ജില്ലാ കലക്ടര് എം.സി. മോഹന്ദാസ്, ത്രിതല പഞ്ചായത്ത് അംഗങ്ങള്, ജനപ്രതിനിധികള്, വിവിധ രാഷ്ട്രീയപാര്ട്ടി പ്രതിനിധികള് പങ്കെടുക്കും. കെ.എന്.എ ഖാദര് എം.എല്.എ സ്വാഗതം പറയും. പൊതുമരാമത്ത് കെട്ടിട വിഭാഗം ചീഫ് എന്ജിനിയര് പി.കെ. സതീശന് റിപ്പോര്ട്ട് അവതരിപ്പിക്കും...
No comments:
Post a Comment