വീട്ടമ്മയുടെ മാല മോഷ്‌ടിച്ച കേസില്‍ ശിക്ഷിച്ചു...

വീട്ടില്‍ കയറി മാല മോഷ്‌ടിച്ച കേസില്‍ പ്രതിക്ക്‌ മഞ്ചേരി ചീഫ്‌ ജുഡീഷ്യല്‍ മജിസ്‌ട്രേറ്റ്‌ കോടതി രണ്ടു വകുപ്പുകളിലായി ആറുവര്‍ഷം കഠിന തടവിനും 10,000 രൂപ പിഴയടക്കാനും ശിക്ഷ വിധിച്ചു. മഞ്ചേരി ചന്തക്കുന്ന്‌ ചോലക്കല്‍ അബ്‌ദുല്‍ സമദി(43) നെയാണ്‌ ശിക്ഷിച്ചത്‌. 451- ാം വകുപ്പനുസരിച്ചു മൂന്നു വര്‍ഷം കഠിന തടവ്‌ 5000 രൂപ പിഴ, പിഴയടക്കാത്ത പക്ഷം മൂന്നു മാസത്തെ അധിക തടവ്‌, 380, 451 ാം വകുപ്പനുസരിച്ച്‌ മൂന്നു വര്‍ഷം കഠിന തടവ്‌ 5000 രൂപ പിഴ, പിഴയടക്കാത്ത പക്ഷം മൂന്നു മാസത്തെ അധിക തടവ്‌ എന്നിങ്ങനെയാണ്‌ ശിക്ഷ. ശിക്ഷ ഒരുമിച്ചനുഭവിച്ചാല്‍ മതി. 2008 ഫെബ്രുവരി 8 നാണ്‌ സംഭവം. മഞ്ചേരി അരുകിഴായ അമ്മണത്തൊടി ശശിധരന്റെ ഭാര്യ പാര്‍വതിയമ്മ(56) യുടെ രണ്ടു പവന്റെയും 2.5 പവന്റെയും മാലകളാണ്‌ മോഷ്‌ടിച്ചത്‌. അരുകിഴായയിലെ തന്നെ കല്‍പകശേരി മാധവന്‍ നായരുടെ വീട്ടില്‍ അതിക്രമിച്ചു കയറി മകള്‍ ജ്യോതിയുടെ രണ്ടു പവന്‍ തൂക്കം വരുന്ന മാല കവര്‍ന്ന കേസില്‍ ഇയാളെ ഇതേ കോടതി നേരത്തെ മൂന്നുവര്‍ഷം കഠിന തടവിനും 1000 രൂപ പിഴയടക്കാനും ശിക്ഷിച്ചിരുന്നു. നിരവധി മോഷണ കേസുകളില്‍ പ്രതിയായ അബ്‌ദുസ്സമദ്‌ മഞ്ചേരി ഇറച്ചി മാര്‍ക്കറ്റിലെ ജീവനക്കാരനാണ്‌....