കുറ്റിപ്പുറം, താനൂര്‍, പരപ്പനങ്ങാടി റെയില്‍വേ സ്റ്റേഷന് കെട്ടിടങ്ങള്‍ നവീകരിക്കുമെന്ന് ഇ.ടി. മുഹമ്മദ് ബഷീര്‍ എം.പി. കേരളാധീശ്വരപുരത്ത് ഗവ. ഐ.ടി.ഐ കെട്ടിടോദ്ഘാടന ചടങ്ങിനെത്തിയ അദ്ദേഹം ‘മാധ്യമ’ത്തോട് സംസാരിക്കുകയായിരുന്നു. നവീകരണ പ്രവൃത്തിയുടെ എസ്റ്റിമേറ്റ് തയാറാക്കി വരികയാണ്. നിര്‍മാണം താമസിയാതെ തുടങ്ങും. റെയില്‍വേ സ്റ്റേഷന് പ്ളാറ്റ്ഫോമുകളുടെ നീളം കൂട്ടുന്ന പ്രവൃത്തികള്‍ പുരോഗമിക്കുകയാണ്. കിഴക്കല്‍ മേഖലയിലുള്ളവര്‍ക്ക് താനൂരുമായി ബന്ധപ്പെടാനുള്ള ഫൂട്ട് ഓവര്‍ ബ്രിഡ്ജ് മൂന്നാം നമ്പര്‍ പ്ളാറ്റ്ഫോമിലേക്ക് മാറ്റുന്ന കാര്യം പരിഗണനയിലുണ്ട്. താനൂരില്‍ ഇന്‍റര്‍സിറ്റി, യശ്വന്ത്പൂര്‍ എക്സ്പ്രസ് ട്രെയിനുകള്‍ക്ക് സ്റ്റോപ്പ് അനുവദിക്കണമെന്ന ആവശ്യം ഉയര്‍ന്നിട്ടുണ്ട്. ഇതില്‍ യശ്വന്ത്പൂര്‍ എക്സ്പ്രസിന് സ്റ്റോപ്പ് അനുവദിക്കാന്‍ ശ്രമം നടത്തും. ഇന്‍റര്‍സിറ്റി എക്സ്പ്രസിന് തിരൂരില്‍ സ്റ്റോപ്പുള്ളതു കാരണം താനൂരില്‍ സ്റ്റോപ്പ് അനുവദിക്കാന്‍ സാധിക്കില്ല. സ്റ്റേഷന് മുമ്പില്‍ വാഹന പാര്‍ക്കിങിനുള്ള സൗകര്യം വര്‍ധിപ്പിക്കാന്‍ നടപടിയെടുക്കുമെന്നും എം.പി പറഞ്ഞു...
madhyamam
No comments:
Post a Comment