FLASH NEWS
Sunday, November 27, 2011
മമ്പുറം ആണ്ടു നേര്ച്ചയ്ക്ക് ഇന്നു തുടക്കം ...
ഒരാഴ്ച നീണ്ടു നില്ക്കുന്ന മമ്പുറം ആണ്ടു നേര്ച്ചയ്ക്കു ഇന്നു തുടക്കം കുറിക്കുമെന്നു ഭാരവാഹികള് പത്രസമ്മേളനത്തില് അറിയിച്ചു. വൈകിട്ടു അഞ്ചിനു അഹമ്മദ് ജിഫ്രി തങ്ങള് പതാക ഉയര്ത്തും. തുടര്ന്ന് ഏഴിനു നടക്കുന്ന സമ്മേളനം പാണക്കാട് മുനവ്വറലി ശിഹാബ് തങ്ങള് ഉദ്ഘാടനം ചെയ്യും. ഡോ. ബഹാഉദ്ദീന് മുഹമ്മദ് നദ്വി അധ്യക്ഷത വഹിക്കും. വി.പി സെയ്തു മുഹമ്മദ് നിസാമി പ്രഭാഷണം നടത്തും. 28 മുതല് രണ്ടുവരെ രാത്രി ഏഴിനു വിവിധ പണ്ഡിതരുടെ മതപ്രഭാഷണങ്ങള് നടക്കും. പ്രഭാഷണ പരമ്പരയുടെ ഉദ്ഘാടനം മുനവ്വറലി ശിഹാബ് തങ്ങള് നിര്വഹിക്കും. 28 നും 29 നും മുസ്തഫാ ഹുദവി ആക്കോട് പ്രഭാഷണം നടത്തും. 29 നു ബഷീറലി ശിഹാബ് തങ്ങള് ഉദ്ഘാടനം ചെയ്യും. 30 നു ഹമീദലി ശിഹാബ് തങ്ങള് ഉദ്ഘാടനവും ഓണമ്പിള്ളി മുഹമ്മദ് ഫൈസി പ്രഭാഷണവും നിര്വഹിക്കും. രണ്ടിനു സാദിഖലി ശിഹാബ് തങ്ങള് ഉദ്ഘാടനം നിര്വഹിക്കുന്ന പരിപാടിയില് മഅ്മൂന് ഹുദവി വണ്ടുര് പ്രസംഗിക്കും. ഡിസംബര് നാലിനു രാവിലെ ഒമ്പതു മുതല് ഉച്ചയ്ക്കു രണ്ടുവരെ നടക്കുന്ന അന്നദാന വിതരണത്തിന്റെ ഉദ്ഘാടനം പാണക്കാട് ഹൈദരലി ശിഹാബ് തങ്ങള് നിര്വഹിക്കും.അബ്ദുറഹിമാന് ജിഫ്രി തങ്ങള് കോഴിക്കോട് അധ്യക്ഷത വഹിക്കും. വൈകിട്ടു ചെറുശേരി സൈനുദ്ദീന് മുസ്ല്യാരുടെ നേതൃത്വത്തില് നടക്കുന്ന മൗലിദ് ഖത്മ് ദുആയോടെ ഒരാഴ്ച നീണ്ടു നില്ക്കുന്ന ആണ്ടു നേര്ച്ചയ്ക്കു സമാപനമാകും. പത്രസമ്മേളത്തില് എസ്.എം ജിഫ്രി തങ്ങള് കക്കാട്, ഡോ. ബാഹാവുദ്ദീന് മുഹമ്മദ് നദ്വി, കെ.എം സെയ്തലവി ഹാജി കോട്ടയ്ക്കല്, യു.ശാഫി ഹാജി, ഇല്ലത്ത് മൊയ്തീന് ഹാജി വേങ്ങര, സി.കെ മുഹമ്മദ് ഹാജി പങ്കെടുത്തു.....
Subscribe to:
Post Comments (Atom)
No comments:
Post a Comment