ദേശീയപാതയില്‍ ജീപ്പ് റോഡരികിലെ മരത്തിലിടിച്ച് വിനോദയാത്ര കഴിഞ്ഞ് മടങ്ങുകയായിരുന്ന മലപ്പുറം സ്വദേശികളായ ഒമ്പതുപേര്‍ക്ക് പരിക്കേറ്റു. എന്‍.എച്ച് 17 മതിലകം മതില്‍മൂലയില്‍ വ്യാഴാഴ്ച പുലര്‍ച്ചെ 6.30 ഓടെയായിരുന്നു അപകടം.
സാരമായി പരിക്കേറ്റ മലപ്പുറം കോട്ടക്കല്‍ തിരുത്തിക്കാടി പിലാക്കല്‍ അലിമുഹമ്മദിന്‍െറ മകന്‍ അഷറഫ് (52), മകള്‍ ഫൗസിയ (32), പൊന്നാനി ആണ്ടിപ്പിള്ളി മുഹമ്മദലിയുടെ മകള്‍ അനീഷ (18), തിരൂര്‍ എരിഞ്ഞിക്കല്‍ അഹമ്മദ് കുട്ടി ബാവയുടെ മകന്‍ ഇബ്രാഹിം ഷെഫീഖ് (35), ഭാര്യ റസിയ (30) എന്നിവരെ കൊടുങ്ങല്ലൂര്‍ മോഡേണ്‍ ആശുപത്രിയില്‍ പ്രവേശിപ്പിച്ചു. കുട്ടികള്‍ ഉള്‍പ്പെടെ മറ്റുള്ളവരുടെ പരിക്ക് സാരമല്ല. കോവളം ഉള്‍പ്പെടെ സ്ഥലങ്ങളില്‍ വിനോദയാത്രക്ക് ശേഷം ജീപ്പില്‍ നാട്ടിലേക്ക് തിരിച്ചുപോകുകയായിരുന്നു എല്ലാവരും. ജീപ്പ് നിയന്ത്രണം വിട്ട് റോഡിന് വലതുഭാഗത്തെ മരത്തിലിടിച്ച് നില്‍ക്കുകയായിരുന്നു. ഡ്രൈവര്‍ ഉറങ്ങിപ്പോയതാണ് അപകടത്തിന് വഴിവെച്ചതെന്ന് പറയുന്നു. സമാന രീതിയിലുള്ള അപകടങ്ങള്‍ ദേശീയപാതയില്‍ പതിവാണ്....
madhaymam
No comments:
Post a Comment