കേരളേത്സവത്തിന്റെ ജില്ലാതല മത്സരങ്ങള്‍ ഡിസംബര്‍ അഞ്ചു മുതല്‍ 11 വരെ തിരൂരില്‍ നടക്കും. സംസ്‌ഥാന യുവജനക്ഷേമ ബോഡിന്റെ ആഭിമുഖ്യത്തില്‍ തദ്ദേശ സ്വയം ഭരണ സ്‌ഥാപനങ്ങളുടെ സഹകരണത്തോടെയാണു കേരളോത്സവം നടത്തുന്നത്‌്. ഡിസംബര്‍ അഞ്ചു മുതല്‍ എട്ടു വരെ കായിക മത്സരങ്ങളും ഒമ്പതു മുതല്‍ 11 വരെ കലാമത്സരങ്ങളും നടക്കും. ജില്ലയിലെ 15 ബ്ലോക്ക്‌ പഞ്ചായത്തുകളില്‍ നിന്നും ഏഴു നഗരസഭകളില്‍ നിന്നും വിജയികളാകുന്നവരാണു ജില്ലാതല മത്സരത്തില്‍ പങ്കെടുക്കുക.
പരിപാടിയുടെ വിജയത്തിനായി വിപുലമായ സംഘാടക സമിതിക്ക്‌ രൂപംനല്‍കി. തിരൂര്‍ മുന്‍സിപ്പല്‍ ഓഫീസില്‍ ചേര്‍ന്ന സംഘാടക സമിതി രൂപീകരണ യോഗത്തില്‍ മുന്‍സിപ്പല്‍ ചെയര്‍പേഴ്‌സണ്‍ കെ. സഫിയ അധ്യക്ഷത വഹിച്ചു. ജില്ലാ പഞ്ചായത്ത്‌ സ്‌റ്റാന്‍ഡിംഗ്‌ കമ്മിറ്റി ചെയര്‍പേഴ്‌സണ്‍ കെ.പി ജല്‍സീമിയ ഉദ്‌ഘാടനം ചെയ്‌തു. ജില്ലാ പഞ്ചായത്ത്‌ അംഗങ്ങളായ പി.സൈതലവി, വെട്ടം ആലിക്കോയ, പി.പി. മെഹറുന്നിസ, തിരൂര്‍ ബ്ലോക്ക്‌ പഞ്ചായത്ത്‌ പ്രസിഡണ്ട്‌ എം. അബ്‌ദുള്ളകുട്ടി, തിരൂര്‍ ഡെപ്യൂട്ടി തഹസില്‍ദാര്‍ കെ.പി. ഗോവിന്ദന്‍കുട്ടി, ജില്ലാ പഞ്ചായത്ത്‌ ജൂനിയര്‍ സൂപ്രണ്ട്‌ എന്‍. റഷീദ്‌, ജില്ലാ യൂത്ത്‌ പ്രോഗ്രാം ഓഫീസര്‍ കെ. പ്രസീദ, മുന്‍സിപ്പല്‍ കൗണ്‍സിലര്‍മാരായ പി.പി. ലക്ഷമണന്‍, കെ. ബാവ, കെ.കെ. സലാം, സി.എം.ടി. ബാവ, ഇ. അബ്ബാസലി, നാസര്‍ കൊട്ടാരത്തില്‍, മുജീബ്‌ താനാളൂര്‍ എന്നിവര്‍ പ്രസംഗിച്ചു. തിരൂര്‍ മുന്‍സിപ്പല്‍ ചെയര്‍പേഴ്‌സണ്‍ കെ. സഫിയ ടീച്ചര്‍ ചെയര്‍മാനും ജില്ലാ പഞ്ചായത്തംഗം ടി. സൈതലവി കണ്‍വീനറും മൂജീബ്‌ താനാളൂര്‍ കോ-ഓഡിനേറ്ററുമായി സംഘാടക സമിതി രൂപീകരിച്ചു.
mangalam
No comments:
Post a Comment