Sunday, November 20, 2011
താനൂര്‍ ഉപജില്ലാ കലോത്സവം തുടങ്ങി...
മൂന്നു ദിവസങ്ങളിലായി നടക്കുന്ന താനൂര്‍ ഉപജില്ലാ സ്‌കൂള്‍ കലോത്സവത്തിന്‌ ചെട്ടിയാംകിണര്‍ ഗവ: വെക്കേഷണല്‍ ഹയര്‍ സെക്കണ്ടറി സ്‌കൂളില്‍ വര്‍ണാഭമായ തുടക്കം. കലോത്സവത്തിന്റെ ഔപചാരികമായ ഉദ്‌ഘാടനം അബ്‌ദുറഹിമാന്‍ രണ്ടത്താണി എം.എല്‍.എ നിര്‍വ്വഹിച്ചു. കലയെ ആസ്വാദനത്തിന്റെ മാധ്യമമെന്നതുപോലെ പ്രതിരോധത്തിന്റെ ആയുധമാക്കിയും മാറ്റിയ പാരമ്പര്യമാണു മാനവസമൂഹത്തിനുള്ളതെന്നു അദ്ദേഹം പറഞ്ഞു. പടപ്പാട്ടിലൂടെ കരതമാകുന്ന ഊര്‍ജവും ബ്രിട്ടീഷ്‌ വിരുദ്ധ പോരാട്ടത്തിന്‌ ഉപയോഗിച്ച മലബാറിലെ സ്വാതന്ത്രസമര സേനാനികള്‍ ഇതിന്‌ മികച്ച ഉദാഹരണമാണെന്നും എം.എല്‍.എ പറഞ്ഞു. ചടങ്ങില്‍ പെരുമണ്ണ ക്ലാരി ഗ്രാമ പഞ്ചായത്ത്‌ പ്രസിഡണ്ട്‌ സി.കെ.എ. റസാഖ്‌ അദ്ധ്യക്ഷത വഹിച്ചു. മലപ്പുറം ജില്ലാ പഞ്ചായത്ത്‌ പ്രസിഡണ്ട്‌ സുഹറ മമ്പാട്‌ മുഖ്യപ്രഭാഷണം നടത്തി. ജില്ലാ വിദ്യാഭ്യാസ ഓഫീസര്‍ കെ.സി. ഗോപി, ജില്ലാ പഞ്ചായത്ത്‌ മെമ്പര്‍മാരായ വെട്ടം ആലിക്കോയ, പി.പി. മെഹ്‌റുന്നിസ, ഓഴൂര്‍ ഗ്രാമപഞ്ചായത്ത്‌ പ്രസിഡണ്ട്‌ നൂഹ്‌ കരിങ്കപ്പാറ, താനൂര്‍ ബ്ലോക്ക്‌ പഞ്ചായത്ത്‌ മെമ്പര്‍മാരായ സല്‍മ അഷ്‌റഫ്‌, പി.കെ. ഹൈദ്രോസ്‌, പെരുമണ്ണ ക്ലാരി ഗ്രാമ പഞ്ചായത്ത്‌ വൈസ്‌ പ്രസിഡണ്ട്‌ പി. ഫാത്തിമ്മ, സ്‌റ്റാന്റിംഗ്‌ കമ്മിറ്റി ചെയര്‍മാന്‍ പൊതുവത്ത്‌ മുസ്‌തഫ, മെമ്പര്‍മാരായ ഗോപി കണ്ടഞ്ചിറ, സി.കെ. മുഹമ്മദലി, താനൂര്‍ എ.ഇ.ഒ. സി. അബൂബക്കര്‍, പ്രോഗ്രാം കമ്മിറ്റി കണ്‍വീനര്‍ റഹീം കുണ്ടൂര്‍ എന്നിവര്‍ പ്രസംഗിച്ചു. കലോത്സവത്തിന്‌ മുന്നോടിയായി കോഴിച്ചെനയില്‍ നിന്നും ആരംഭിച്ച സാംസ്‌കാരിക ഘോഷയാത്ര നാടന്‍ കലാരൂപങ്ങളുടെയും വാദ്യഘോഷങ്ങളുടെയും വിദ്യാര്‍ത്ഥി-വിദ്യാര്‍ഥിനികളുടേയും പങ്കാളിത്തം കൊണ്ട്‌ ശ്രദ്ധേയമായി...
Subscribe to:
Post Comments (Atom)
No comments:
Post a Comment