FLASH NEWS
Saturday, December 10, 2011
ധനകാര്യ സ്ഥാപനമുടമ തട്ടിപ്പുനടത്തി മുങ്ങിയതായി പരാതി...
എടപ്പാള്: ജംഗ്ഷനിലെ കുറ്റിപ്പുറം റോഡില് പ്രവര്ത്തിച്ചു വന്നിരുന്ന ധനകാര്യ സ്ഥാപനമുടമ ലക്ഷണക്കിനു രൂപ തട്ടിപ്പു നടത്തി മുങ്ങിയതായി പരാതി. ഷെയര് മാര്ക്കറ്റ് ബിസിനസ് നടത്തിയ ഈ സ്ഥാപനത്തിലെ ചില ജീവനക്കാര് സ്വകാര്യ വ്യക്തികളില് നിന്നും വന് ലാഭം വാഗ്ദാനം ചെയ്തു ലക്ഷക്കണക്കിനു രൂപ നിക്ഷേപമായി സ്വീകരിച്ചിരുന്നു. നിക്ഷേപം സ്വീകരിച്ച് ആദ്യമാസങ്ങളില് ലാഭവിഹിതം കൃത്യമായി നല്കിവന്നിരുന്നു. ഇതോടെയാണു സ്ഥാപനത്തില് വിശ്വാസമര്പ്പിച്ചു കൂടുതല് ആളുകള് നിക്ഷേപം നടത്തിയിരുന്നത്. നാലു ദിവസം മുമ്പ് അരീക്കോട് സ്വദേശിയായ സ്ഥാപനമുടമയെ കാണാനില്ലെന്നാണു നിക്ഷേപകര് പറയുന്നത്. പൊന്നാനി താലൂക്കിന്റെ വിവിധ ഭാഗങ്ങളിലെ ഒട്ടേറെ പേര് തട്ടിപ്പിനിരയായിട്ടുണ്ടെന്നാണു പറയുന്നത്. ഏകദേശം ഒന്നരക്കോടിയോളം രൂപ തട്ടിപ്പു നടത്തിയിട്ടുണ്ടെന്നു പോലിസിനു നല്കിയ പരാതിയില് പറയുന്നു.
Subscribe to:
Post Comments (Atom)
No comments:
Post a Comment