Tuesday, December 13, 2011
വൃക്ക തകരാറിലായി ചികില്‍സയില്‍ കഴിയുന്ന ബാലികയ്‌ക്ക് മുഖ്യമന്ത്രിയുടെ ധനസഹായമെത്തി...
വൃക്ക തകരാറിലായി ഒന്നര വര്‍ഷമായി ചികിത്സയില്‍ കഴിഞ്ഞിരുന്ന ബാലികയ്‌ക്ക് മുഖ്യമന്ത്രിയുടെ ജനസമ്പര്‍ക്ക പരിപാടിയുടെ ഭാഗമായി അടിയന്തര സഹായം അനുവദിച്ചു. തേഞ്ഞിപ്പലം കടക്കാട്ടുപാറ പുതുകുളങ്ങര പണിക്കത്തൊടി മൊയ്‌തീന്‍കുട്ടിയുടെ മകള്‍ ഫാത്തിമാസുല്‍ത്താന(11)ക്കാണ്‌ മുഖ്യമന്ത്രിയുടെ ചികിത്സാ ഫണ്ട്‌ ലഭിച്ചത്‌. 25,000 രൂപയാണ്‌ ലഭിച്ചത്‌. രൂപ ഇന്നലെ കെ.എന്‍.എ ഖാദര്‍ എം.എല്‍.എ വീട്ടിലെത്തി പിതാവിനെ ഏല്‍പിച്ചു. ജനസമ്പര്‍ക്ക പരിപാടിയില്‍ അപേക്ഷ സമര്‍പ്പിച്ചതിനെ തുടര്‍ന്ന്‌ മുഴുവന്‍ ചികിത്സാ ചെലവും സര്‍ക്കാര്‍ വഹിക്കുമെന്നു മുഖ്യമന്ത്രി ഉറപ്പ്‌ നല്‍കിയിരുന്നു. ഒരു മാസം 15,000 രൂപയാണ്‌ ബാലികക്ക്‌ ചികിത്സക്കായി ചെലവാകുന്നത്‌. ഇവരുടെ വീട്ടിലേക്ക്‌ അടിയന്തര ഗ്യാസ്‌ കണക്ഷന്‍ നല്‍കണമെന്നു കെ.എന്‍.എ ഖദര്‍ എം.എല്‍.എ കലക്‌ടറോട്‌ ആവശ്യപ്പെട്ടു. തിരൂരങ്ങാടി തഹസില്‍ദാര്‍ അബ്‌ദുല്‍ റഷീദ്‌, തേഞ്ഞിപ്പലം പഞ്ചായത്ത്‌ പ്രസിഡന്റ്‌ കളളിയില്‍ ഫിറോസ്‌, പഞ്ചായത്ത്‌ പ്രതിനിധികളായ വി.കെ ബഷീര്‍, എം. സശീല എന്നിവരും എം.എല്‍.എക്കൊപ്പമുണ്ടായിരുന്നു.
Subscribe to:
Post Comments (Atom)
No comments:
Post a Comment