Wednesday, December 21, 2011
ജനറല്‍ ആശുപത്രിക്ക്‌ ബോംബ്‌ ഭീഷണി: രോഗികള്‍ പരിഭ്രാന്തരായി ....
മഞ്ചേരി ജനറല്‍ ആശുപത്രി ബോംബ വച്ചു തകര്‍ക്കുമെന്നു അജ്‌ഞാതന്റെ ഫോണ്‍ ഭീഷണിയില്‍ ആശുപത്രിയും പരിസരവും മണിക്കൂറുകളോളം ആശങ്കയുടെ നിഴലിലായി. ഇന്നലെ ഉച്ചക്ക്‌ ഒന്നരയോടെ മഞ്ചേരി പോലിസ്‌ സ്‌റ്റേഷനിലേക്കാണു ഫോണ്‍ വന്നത്‌. ഉടന്‍ മഞ്ചേരി സി.ഐ: സി.എം ദേവദാസന്‍ മലപ്പുറം ബോംബു സ്‌ക്വാഡിനെ വിവരമറിയിച്ചു. ഏ.ആര്‍ ക്യാമ്പില്‍ നിന്ന്‌ ബോംബു സ്‌ക്വാഡ്‌ ഇന്‍സ്‌പെക്‌ടര്‍ വിനു, ഡോഗ്‌ സ്‌ക്വാഡിലെ ഇന്‍സ്‌പെക്‌ടര്‍ ബെഗിന്‍ അലക്‌സ്, അനീഷ്‌, പൊലീസ്‌ നായ ടിന്‍സി എന്നിവര്‍ ബോംബ്‌ ഡിറ്റക്‌ടറും മറ്റു ആധുനിക ഉപകരണങ്ങളുമായി സ്‌ഥലത്തെത്തി. എ, ബി, സി ബ്ലോക്കുകളിലെ അത്യാഹിത വിഭാഗത്തിലും മറ്റെല്ലാ വാര്‍ഡുകളിലും സൂക്ഷ്‌മ പരിശോധന നടത്തിയെങ്കിലും ഒന്നും കണ്ടെത്താനായില്ല. രണ്ടര മണിക്കൂര്‍ സമയ നീണ്ടുനിന്ന പരിശോധന കഴിഞ്ഞ്‌ സംഘം തിരിച്ചു പോയി. മഞ്ചേരി അഡീഷണല്‍ എസ്‌ ഐ കെ വി ശിവാനന്ദന്‍, ഹെഡ്‌ കോണ്‍സ്‌റ്റബിള്‍ മുഹമ്മദ്‌ കുട്ടി എന്നിവരും പരിശോധനക്കു നേതൃത്വം നല്‍കി. മഞ്ചേരി നഗരത്തിലെ ഒരു കോയിന്‍ ബോക്‌സില്‍ നിന്നാണ്‌ ഫോണ്‍ സന്ദേശം വന്നതെന്ന്‌ പൊലീസ്‌ സൈബര്‍ സെല്‍ കണ്ടെത്തി. കോയിന്‍ ബോക്‌സ് ഉടമയെ ചോദ്യം ചെയ്‌തെങ്കിലും മതിയായ വിവരങ്ങള്‍ ലഭിച്ചില്ല. തമിഴ്‌ ചുവയുള്ള മലയാളത്തിലായിരുന്നു ഭീഷണി. അസംഭ്യം പറഞ്ഞതായും പൊലീസ്‌ പറഞ്ഞു...
Subscribe to:
Post Comments (Atom)
No comments:
Post a Comment