ആനങ്ങാടി റെയില്വേഗേറ്റിന് തെക്കുഭാഗത്ത് തിങ്കളാഴ്ച രാവിലെ റെയിലില് വിള്ളല് കണ്ടെത്തി. രാവിലെ ഏഴരമണിയോടെ നാട്ടുകാരാണ് വിള്ളല് കണ്ടെത്തി അടുത്തുള്ള ഗേറ്റ്മാനെ അറിയിച്ചത്. രാവിലെ വടക്കുനിന്ന് വരുന്ന 10215-ാം നമ്പര് ഗോവ- എറണാകുളം സൂപ്പര്ഫാസ്റ്റ് വണ്ടി കടന്നുപോയ ഉടനെയാണ് പൊട്ടല് ദൃശ്യമായത്.
താത്കാലിക സംവിധാനമൊരുക്കി വേഗംകുറച്ച് തീവണ്ടികള് കടന്നുപോകാന് അനുവദിച്ചു. വൈകുന്നേരത്തോടെ പൊട്ടിയ റെയില് മാറ്റിസ്ഥാപിച്ചു.
കടലുണ്ടിക്കും പരപ്പനങ്ങാടിക്കുമിടയില് അടുത്തകാലത്തായി പത്തോളം റെയില്പൊട്ടല് സംഭവങ്ങളുണ്ടായിട്ടുണ്ടെങ്കിലും പുതുതായി നിര്മിച്ച റെയില്പ്പാതയില് ആദ്യമായിട്ടാണ് വിള്ളല് കാണുന്നത്. എട്ടുകൊല്ലം മാത്രം പഴക്കമുള്ള പുതിയ പാളങ്ങളും അതിവേഗ തീവണ്ടികളുടെ വേഗതയും ഭാരവും താങ്ങാനാവാത്തവിധം ദുര്ബലമാണെന്നത് ആശങ്കയുണ്ടാക്കുന്നുണ്ട്.
No comments:
Post a Comment