പുതുവര്‍ഷത്തലേന്ന് ബിവറേജസ് കോര്‍പറേഷന്‍െറ തിരൂരിലെ ചില്ലറ വില്‍പനശാലയില്‍ വിറ്റത് 15.5 ലക്ഷത്തിന്‍െറ മദ്യം. 17.55 ലക്ഷത്തിന്‍െറ മദ്യം വിറ്റ് പൊന്നാനിയിലെ ചില്ലറ വില്‍പനശാല ഇഞ്ചോടിഞ്ച് മത്സരത്തില്‍ തിരൂരിനെ ‘മറികടന്നു’.
മദ്യവില്‍പനയില്‍ സംസ്ഥാനത്ത് രണ്ടാം സ്ഥാനം നേടിയ സമയത്ത് 16 ലക്ഷത്തിന്‍െറ വില്‍പനയാണ് പൊന്നാനിയില്‍ നടന്നത്. ഇത്തവണ റെക്കോഡ് തിരുത്തിയാണ് ജില്ലയിലെ മികച്ച പ്രകടനം ആവര്‍ത്തിച്ചത്.
കഴിഞ്ഞ പുതുവത്സരത്തലേന്ന് പൊന്നാനിയിലെ മദ്യവില്‍പന 16.5 ലക്ഷത്തിന്‍െറതായിരുന്നു. എടപ്പാളിലും ഇത്തവണ മദ്യവില്‍പന പൊടിപൊടിച്ചു. 13.5 ലക്ഷത്തിന്‍െറ വില്‍പനയാണ് ഇവിടെ നടന്നത്.
കഴിഞ്ഞ വര്‍ഷം ഇവിടെ 11 ലക്ഷത്തിന്‍െറ മദ്യമാണ് വിറ്റത്. പൊന്നാനി, എടപ്പാള്‍ മേഖലയിലെ ബാറുകളിലും അംഗീകൃതവും അല്ലാത്തതുമായ മദ്യവില്‍പനശാലകളില്‍ നടന്ന മദ്യവ്യാപാരത്തിന്‍െറ കണക്ക് ഇതിന് പുറമെയാണ്. കള്ളുഷാപ്പുകളിലെ കച്ചവടം വേറെയും വരും.
No comments:
Post a Comment