പഠനത്തോടൊപ്പം വിവിധ സ്കോളര്ഷിപ്പുകള് നേടുന്നതിലും തിരൂരങ്ങാടി പി.എസ്.എം.ഒ കോളജ് മുന്നില്. ആയിരത്തോളം വിദ്യാര്ഥികള്ക്ക് സ്കോളര്ഷിപ്പ് ലഭിക്കുന്നുണ്ട്. കേന്ദ്ര സര്ക്കാര് ശാസ്ത്ര സാങ്കേതിക വിഭാഗത്തിന്െറ ‘ഇന്നൊവേഷന് ഇന് സയന്സ് പെര്സ്യൂട്ട് ഫോര് ഇന്സ്പെയേഴ്സ് റിസര്ച് സ്കോളര്ഷിപ്പ്’ (80,000 രൂപ) രണ്ടു പേര്ക്ക് ലഭിച്ചു.
പി.ജി വരെ തുടര്ന്നാല് നാലു ലക്ഷം ലഭിക്കുന്ന സ്കോളര്ഷിപ്പ് കെമിസ്ട്രി രണ്ടാം വര്ഷ ഡിഗ്രി വിദ്യാര്ഥിനി വി. ശാന്തി, ഫിസിക്സ് വിദ്യാര്ഥിനി എസ്. ആതിര എന്നിവര്ക്കാണ് ലഭിച്ചത്. ആര്ട്സ് മേഖലയില് ഗവേഷണം നടത്തുന്ന വിദ്യാര്ഥികള്ക്കുള്ള അക്വയര് സ്കോളര്ഷിപ്പ് (25,000 രൂപ) രണ്ടാംവര്ഷ ഇംഗ്ളീഷ് ബിരുദ വിദ്യാര്ഥിനി പി. സുമയ്യാ ബീഗം, രണ്ടാംവര്ഷ സാമ്പത്തിക ശാസ്ത്ര വിദ്യാര്ഥി കെ. ഷുഐബ് എന്നിവര്ക്ക് ലഭിച്ചു.
ഇന്ദിരാഗാന്ധി സ്കോളര്ഷിപ്പ് (20000 രൂപ) രണ്ട് കുട്ടികള്ക്കും സച്ചാര് കമ്മിറ്റി നിര്ദേശിച്ച മുസ്ലിം ഗേള്സ് സ്കോളര്ഷിപ്പ് 124 കുട്ടികള്ക്കും സെന്ട്രല് സെക്ടര് സ്കോളര്ഷിപ്പ് 132, സ്റ്റേറ്റ് മെറിറ്റ് സ്കോളര്ഷിപ്പ് 126, സുവര്ണ ജൂബിലി സ്കോളര്ഷിപ്പ് 64, ഹയര് എജുക്കേഷന് സ്കോളര്ഷിപ്പ് 34, പോസ്റ്റ് മെട്രിക് സ്കോളര്ഷിപ്പ് 197, മുസ്ലിം-നാടാര് സ്കോളര്ഷിപ്പ് 10, ബൈ്ളന്ഡ് സ്കോളര്ഷിപ്പ് രണ്ടും ഉള്പ്പെടെ എണ്ണൂറോളം കുട്ടികള്ക്കാണ് പഠനത്തോടൊപ്പം സ്കോളര്ഷിപ്പ് ലഭിക്കുന്നത്. ഇവക്കുപുറമെ അലുംനി സ്കോളര്ഷിപ്പ് നൂറിലേറെ കുട്ടികള്ക്ക് നല്കുന്നുണ്ട്. കോളജ് പ്രിന്സിപ്പല് മേജര് കെ. ഇബ്രാഹിം, ഇക്കണോമിക്സ് വിഭാഗം തലവന് എസ്. ഷിബ്നു എന്നിവരുടെ നേതൃത്വത്തിലെ സ്കോളര്ഷിപ്പ് സെല്ലാണ് ഇതിനുപിന്നില് പ്രവര്ത്തിക്കുന്നത്.
...
No comments:
Post a Comment