ദേശീയപാത 17ല് രണ്ടത്താണി സ്പീഡ്ബ്രേക്കറിന് സമീപം നാല് വാഹനങ്ങള് കൂട്ടിയിടിച്ച് മണിക്കൂറുകളോളം ഗതാഗതം തടസ്സപ്പെട്ടു. അപകടത്തില് മൂന്ന് പേര്ക്ക് നിസ്സാര പരിക്കേറ്റു. തിങ്കളാഴ്ച വൈകുന്നേരം അഞ്ചോടെയാണ് സംഭവം. കാര് യാത്രികരായ ആതവനാട് കൊമ്പത്ത് മരക്കാര്, ഭാര്യ ബീവി (50), മകന് അഹമ്മദ് എന്നിവര്ക്കാണ് പരിക്കേറ്റത്. കോഴിക്കോട്ടുനിന്ന് ആതവനാട്ടേക്ക് പോവുകയായിരുന്ന കാര് സ്പീഡ് ബ്രേക്കറിന് സമീപം നിര്ത്തിയപ്പോള് പിറകെ വന്ന ടാങ്കര് ലോറി കാറിലിടിച്ചു. അതിന് പിറകെ വന്ന ലോറി ടാങ്കര് ലോറിയിലും ബസ് ലോറിയിലും ഇടിക്കുകയായിരുന്നു.
പരിക്കേറ്റ കാര് യാത്രികരെ ചങ്കുവെട്ടിയിലെ സ്വകാര്യ ആശുപത്രിയില് പ്രാഥമിക ചികിത്സ നല്കി വിട്ടു. ഇവര് കോഴിക്കോട് കണ്ണാശുപത്രിയില് ചികിത്സ കഴിഞ്ഞ് മടങ്ങും വഴിയാണ് അപകടം.
ഗതാഗതക്കുരുക്കിനെത്തുടര്ന്ന് കല്പകഞ്ചേരി പൊലീസും തിരൂര് ഫയര്ഫോഴ്സും സ്ഥലത്തെത്തി. അപകടത്തില്പെട്ട ടാങ്കര് ലോറി സമീപത്തെ മരത്തില് തട്ടിനിന്നതിനാല് വന് ദുരന്തം ഒഴിവായി.
No comments:
Post a Comment