മങ്കട-മലപ്പുറം, കൂട്ടില്-പെരിന്തല്മണ്ണ റൂട്ടുകളില് മുമ്പുണ്ടായിരുന്ന പല ബസുകളും സര്വീസ് നിര്ത്തുകയും ചിലത് കൃത്യമായി ഓടാതിരിക്കുകയും ചെയ്യുന്നത് യാത്രക്കാര്ക്ക് ദുരിതമാകുന്നു. മങ്കടയില്നിന്ന് മക്കരപ്പറമ്പ് വഴി മലപ്പുറത്തേക്കുള്ള റൂട്ടില് മങ്കട, വടക്കാങ്ങര ഭാഗങ്ങളില്നിന്ന് നൂറുകണക്കിന് പേരാണ് രാവിലെ യാത്ര ചെയ്യാറുള്ളത്. ആകെയുള്ള നാല് ബസുകളില് കനത്ത തിരക്കാണ് അനുഭവപ്പെുന്നത്.
കൂട്ടില്-പെരിന്തല്മണ്ണ റൂട്ടില് ബസുകള് പലപ്പോഴും ട്രിപ്പുകള് മുടക്കുന്നത് പ്രതിഷേധത്തിനിടയാക്കുന്നു. ഓട്ടോകള് സമാന്തര സര്വീസ് നടത്തുന്നെന്നാരോപിച്ചാണ് ബസുകള് ട്രിപ്പ് മുടക്കുന്നത്. അതേസമയം, സമാന്തര സര്വീസ് നടത്തുന്നെന്നാരോപിച്ച് ഓട്ടോ ഡ്രൈവര്മാര്ക്ക് കനത്ത പിഴ നല്കി ഉദ്യോഗസ്ഥര് പീഡിപ്പിക്കുന്നതായും ആക്ഷേപമുണ്ട്. ഈ രണ്ട് റൂട്ടിലും കൃത്യമായി ബസുകള് ഓടിക്കാന് അധികൃതര് നടപടിയെടുക്കണമെന്നാണ് നാട്ടുകാരുടെ ആവശ്യം....
No comments:
Post a Comment