പാണ്ടിക്കാട്-മഞ്ചേരി റോഡ് തകര്‍ന്ന് ഗതാഗതം ദുരിതമാവുകയും അപകടം പതിവാകുകയും ചെയ്യുന്നു. മഴവെള്ളം നിറഞ്ഞതിനാല്‍ കുഴികളിലെ ആഴം അറിയാതെ വാഹനങ്ങള്‍ അപകടത്തില്‍പ്പെടുകയാണ്. ഇരുചക്ര വാഹനങ്ങളും ഓട്ടോകളുമാണ് കൂടുതല്‍ പ്രയാസപ്പെടുന്നത്. ബസ്സ്റ്റാന്‍ഡിന് സമീപത്തും പെട്രോള്‍ പമ്പുകളുടെ മുന്‍വശത്തും വലിയഗര്‍ത്തങ്ങളായി പലപ്പോഴും ഗതാഗത കുരുക്ക് അനുഭവപ്പെടുന്നു. വെള്ളുവങ്ങാട് പാലത്തിന് സമീപം റോഡ് ഉയര്‍ത്തിയത് പൂര്‍ണമായി തകര്‍ന്നിട്ടുണ്ട്. റോഡ് പണി നടക്കുമ്പോള്‍ തന്നെ ഇവിടെ പണിയിലെ അഴിമതി നാട്ടുകാര്‍ പരാതിപ്പെട്ടിരുന്നു.
ആദ്യമഴക്കുതന്നെ റോഡിലെ ടാറിങ് അടര്‍ന്ന് വലിയ ഗര്‍ത്തങ്ങളായിട്ടുണ്ട്. റോഡ് പണിയിലെ അപാകത പരിഹരിക്കണമെന്ന് ആവശ്യപ്പെട്ട് നാട്ടുകാര്‍ അധികൃതര്‍ക്ക് പരാതി നല്‍കി.
No comments:
Post a Comment